खोटाङमा हेलिकप्टर दुर्घटना : एक घाइते, अन्य सकुशल

काठमाडौं, चैत ४ । खोटाङको केपिलासगढी गाउँपालिका–२ खार्ताम्छाको बालाबेसी क्षेत्रमा हेलिकप्टर दुर्घटना हुँदा एक जना घाइते भएका छन्।
पाइलटसहित ६ जना सवार रहेको उक्त हेलिकप्टर अवतरणका क्रममा दुर्घटनामा परेको हो। दुर्घटनामा एक जना घाइते भएका छन् भने अन्य सबै सकुशल रहेको स्थानीय स्रोतले जनाएको छ।
एयर डाइनाष्टी हेलिकप्टर सर्भिसको उक्त हेलिकप्टर काठमाडौंबाट शव बोकेर गाउँ पुगेको थियो। ल्याण्ड गर्ने क्रममा नियन्त्रण गुम्दा दुर्घटना भएको प्रारम्भिक जानकारी प्राप्त भएको छ।
घाइतेको अवस्था सामान्य रहेको र थप उपचारका लागि आवश्यक प्रक्रिया अगाडि बढाइएको जनाइएको छ। घटनाबारे थप विवरण आउन बाँकी रहेको छ।