मुग्लिन–नारायणगढ सडकमा फेरि पहिरो, आवागमन अवरुद्ध

चितवन, असोज १३ । कर्मचारी तथा विभित्र क्षेत्रमा लागेका सर्वसाधारण दशैं मनाउन फूलपातिपछि घर जान थाल्छन् । तर मुग्लिन–नारायणगढ सडकखण्डको तुईन खोला पुल नजिकै सोमबार साँझ ५:५० बजे ठूलो पहिरो खस्दा दुईतर्फी सवारी आवागमन पूर्णरूपमा बन्द भएको छ।

सडक डिभिजन भरतपुरका अनुसार तैनाथ अवस्थामा रहेका तीन वटा उपकरणमार्फत दुवैतर्फबाट पहिरो हटाउने कार्य निरन्तर भइरहेको छ। तर पहिरो खस्ने क्रम नरोकेकाले अझै करिब आधा घण्टा समय लाग्ने अनुमान गरिएको छ।

“रातिको समयमा पनि फ्लड लाइटको व्यवस्था गरेर भएपनि यातायात सुचारु गर्ने लक्ष्यका साथ हाम्रो टोली निरन्तर खटिएको छ,” सडक डिभिजनले जनाएको छ।

चाडपर्वको अवसर पारेर यात्रा गरिरहेका हजारौं यात्रु पहिरोका कारण बाटोमै अल्झिनु परेको छ। समयमै गन्तव्य पुग्न नसक्दा यात्रुहरूको असुविधाप्रति डिभिजनले दुःख व्यक्त गरेको छ।