मुस्ताङ्गमा हिमपातमा फसेका १५ पर्यटक उद्धार, तीन विदेशी सहित सबै सुरक्षित

मुस्ताङ्ग, कार्तिक १४ । मुस्ताङ्ग जिल्लाको हिडन भ्याली क्षेत्रमा हिमपातमा फसेका तीन विदेशी नागरिक सहित १५ जना पर्यटकलाई नेपाली सेनाले सफलतापूर्वक उद्धार गरेको छ।

नेपाली सेनाको उच्च शिखर शिक्षालयबाट खटिएको उद्धार टोलीले तीन दिनको अथक प्रयासपश्चात कार्तिक १४ गते करिब ४,९०० मिटरको बतासेडाँडा क्षेत्रमा सबै पर्यटकहरूलाई फेला पारेको हो। उद्धारकर्मीहरूले सबै उद्धारितहरूको साधारण स्वास्थ्य परीक्षण गरेपछि उनीहरूलाई सुरक्षित रूपमा जोमसोम ल्याउने कार्य भईरहेको छ।

यस उद्धार अभियानमा नेपाली सेनाको इन्द्रबक्स गण, सशस्त्र प्रहरी बल नेपाल, नेपाल प्रहरी र गैरसैनिक पथ प्रदर्शकहरूको संयुक्त टोलीले सहभागिता जनाएको छ।