वीरगन्जमा संयुक्त गस्ती टोलीद्वारा तीन जना नियन्त्रण

काठमाडौं, फागुन २० । फाल्गुण २० गते बिहान करिब २ बजे नेपाली सेना सहितको संयुक्त गस्ती टोलीले वीरगन्ज महानगरपालिका–१६ इनर्वा क्षेत्रबाट शंकास्पद सामग्रीसहित तीन जनालाई नियन्त्रणमा लिएको छ।

गस्ती टोलीले सुतली बम गोटा ९ थान, सेतो रंगको तार ५ मिटर, सुँगुरको टाउको गोटा १ थान लगायतका बन्दोबस्तीका सामग्री बरामद गरेको छ। नियन्त्रणमा लिइएका व्यक्तिहरूलाई थप अनुसन्धानका लागि नेपाल प्रहरीलाई बुझाइएको छ।

सुरक्षा निकायले आसन्न निर्वाचनलाई लक्षित गर्दै सुरक्षा व्यवस्थालाई कडा बनाएको जनाएको छ।