सरकारकाे बजेट तथा नीति निर्माणमा सहभागी हुन सुझाव संकलन पाेर्टल

काठमाडौँ, वैशाख २६ । नेपाल सरकार, प्रधानमन्त्री तथा मन्त्रिपरिषद्को कार्यालयले सुझाव संकलन सार्वजनिक पोर्टल (suggestions.opmcm.gov.np) को शुभारम्भ गरेको छ। बजेट, नीति तथा कार्यक्रम तर्जुमाको प्रक्रियालाई पारदर्शी, प्रभावकारी र सहभागितामूलक बनाउने उद्देश्यले यो पोर्टल सञ्चालनमा ल्याइएको जनाएको छ ।

यस पोर्टलमार्फत नेपाली नागरिक, विषयविज्ञ र नीति–निर्माताहरूबाट बजेट, नीति तथा कार्यक्रम/आयोजना निर्माणसम्बन्धी महत्वपूर्ण सुझावहरू संकलन गरिने जनाइएको छ। प्राप्त सुझावहरूको नीतिगत तथा प्रशासनिक तहमा समीक्षा गरी कार्यान्वयन गरिने प्रधानमन्त्री तथा मन्त्रिपरिषद्को कार्यालयले जनाएको छ।

सुझाव दिनेहरूले पोर्टलको ‘सुझाव द्वारा’ सुविधामार्फत आफ्नो सुझावको अवस्थाबारे समेत जानकारी लिन सक्ने व्यवस्था गरिएको छ।

कार्यालयले यस महत्वपूर्ण पहलमा सबैको सक्रिय सहभागिताका लागि अनुरोध गरेको छ।