बेत्रावतीको फलाकु खोलामा ४० टन क्षमताको बेलिब्रिज जडान

काठमाडौं, असोज २५ । नेपाली सेनाले नुवाकोट र रसुवाको सिमानामा पर्ने बेत्रावतीस्थित फलाकु खोलामा ४० टन भारवहन क्षमताको एक्रो ब्रिज जडान गरेको छ।
ब्रिज जडान भएसँगै नुवाकोट र रसुवाका आसपासका क्षेत्रका नागरिकलाई आवतजावत गर्न सहज हुने नेपाली सेनाले जनाएको छ।
बाढीबाट प्रभावित क्षेत्रमा राहत तथा अत्यावश्यक सामग्री ढुवानी गर्न पनि ब्रिजले सहयोग पुग्ने अपेक्षा गरिएको छ। बाढीका कारण आवागमन प्रभावित भएका क्षेत्रमा यसले राहत तथा उद्धारसम्बन्धी कामलाई सहज बनाउनेछ।