स्वास्थ्य बीमा बोर्डद्वारा निजी अस्पतालका केही सेवा स्थगित

काठमाडौँ, जेठ १३। स्वास्थ्य बीमा बाेर्डले स्वास्थ्य बीमा कार्यक्रमअन्तर्गत निजी स्वास्थ्य संस्थाबाट प्रदान हुँदै आएका आकस्मिक बाहेकका अन्य सेवाहरू अस्थायी रूपमा स्थगित गर्ने निर्णय गरेको छ ।
बोर्डको चौंथो बैठकले बढ्दो वित्तीय संकटलाई मध्यनजर गर्दै अर्को निर्णय नभएसम्म निजी स्वास्थ्य संस्थाबाट प्रदान गरिने आकस्मिक सेवाबाहेकका अन्य स्वास्थ्य बीमा सेवाहरू स्थगित गर्ने निर्णय गरेको जनाएको छ ।
बोर्डले जारी गरेको सूचनाअनुसार उक्त निर्णय २०८३ जेठ १६ गतेदेखि लागू हुनेछ ।
स्वास्थ्य बीमा कार्यक्रममा आबद्ध निजी स्वास्थ्य संस्थाहरूलाई सम्बोधन गर्दै जारी पत्रमा सम्बन्धित सबै पक्षलाई जानकारीका लागि अनुरोध गरिएको छ ।
सूचनामा बोर्डका निमित्त कार्यकारी निर्देशक सकुन्तला प्रजापतिको हस्ताक्षर रहेको छ ।