चुनावी व्यस्तताबीच मोदीले खाए सडक किनारको ‘झालमुरी’

नयाँदिल्ली, वैशाख ६ । भारतका प्रधानमन्त्री नरेन्द्र माेदीले अत्यन्त व्यस्त चुनावी कार्यक्रमबीच पश्चिम बंगालमा सडक किनारको सामान्य पसलमा पुगेर ‘झालमुरी’ खाएको प्रसंगले रमाइलो राैनक सार्वजनिक भएकाे छ। आइतबार चार वटा चुनावी सभालाई सम्बोधन गर्ने क्रममा पश्चिम बंगालको झारग्राम पुगेका उनले स्थानीय स्वाद चाखेका हुन्।
मोदीले आफ्नो सामाजिक सञ्जालमार्फत उक्त अनुभव साझा गर्दै लेखेका छन्, “In between four rallies across West Bengal on a packed Sunday, had some delicious Jhalmuri in Jhargram.” उनले पोस्टमा स्थानीय परिकारको स्वादको प्रशंसा गरेका छन्।
सञ्जालमा सार्वजनिक भएकाे भिडियोमा मोदी सामान्य पसलमा पुगेर झालमुरी किनेर खाएका थिए। पैसा तिर्न खोज्दा पसलेले केही असहज महसुस गरेको देखिएको थियो, जसले उक्त क्षणलाई अझ रोचक बनाएको महसुस गर्न सकिन्छ ।
झालमुरी पश्चिम बंगाल तथा पूर्वी भारतमा लोकप्रिय एक सडक परिकार हो, जसमा मुरई, मसला, तरकारी र तेल मिसाएर बनाइन्छ। चुनावी माहोलबीच सर्वसाधारणसँग नजिकिन खोजेको सन्देश दिन मोदीको यो गतिविधिलाई अर्थपूर्ण रूपमा हेरिएको छ।
हाल भारतमा लोकसभा चुनावको माहोल तातेको छ, र नेताहरू मतदातासँग प्रत्यक्ष सम्पर्क बढाउने रणनीतिमा सक्रिय देखिएका छन्। मोदीको यो कदम पनि त्यही सन्दर्भमा जोडेर हेरिएको छ।