कवि दुर्गालाल श्रेष्ठको अन्त्येष्ठी आज

काठमाडौं, भदौ २ । नेपालभाषाको काव्य क्षेत्रमा अत्यन्त चर्चित र मानक कविका रुपमा लिइने दुर्गालाल श्रेष्ठको अन्त्येष्ठी आज मंगलवार परम्परागत विधिअनुसार काठमाडौंको कर्णदीपमा हुने भएको छ । आइतवार बेलुका आफ्नै निवासमा उहाँको निधन भएको थियो । 

अन्त्येष्टीअघि अन्तिम श्रद्धाञ्जलीका लागि नेपालभाषा मंकाः खलःको कार्यालयमा विहान ११ बजेदेसिख २ बजेसम्म राखिने छ । उहाँको शवयात्रा मंकाःखलःको कार्यालयबाट शोभा भगवति पुल हुँदै धल्को, क्षेत्रपाटी, थँहिति, थाय्मदु, न्हाय्कंत्वाः, असं, जनबहाः, वंघः, किलाघः, न्यतः, त्यंघः, क्षेत्रपाटी, जोगिंपाखा भई कर्णदीपमा पु¥याएर अन्तिम संस्कार सम्पन्न गरिने छ । 

९३ वर्षका कवि श्रेष्ठले जीवनभर नेवार, नेपालभाषा, साहित्य र संस्कृतिको क्षेत्रमा सिर्जनात्मक कार्यमा लाग्नुका साथै भाषिक अधिकार तथा जातीय अधिकारका लागि संघर्षरत् हुनुभयो । कविता र गीतका साथै उहाँले गीतिनाटक, एकांकी नाटक तथा अनुवाद कार्यमा पनि लाग्नु भएको छ । रुसीभाषाका महाकवि अजेक्जेन्डर पुस्किन तथा हिन्दी भाषाका चर्चित कवि हरिवंशराय बच्चनका काव्यहरु पनि नेपालभाषामा अनुवाद गर्नुभएको छ । यसरी नै पछिल्लो समयमा नेपाली भाषामा पनि गीतहरु लेख्नु भएको छ । नेपाली भाषामा उहाँले सिर्जना गर्नु भएको गीतहरुमा "फूलको आँखामा फूलै संसार" अत्यन्तै चर्चित छ ।