परराष्ट्रमन्त्री खनालसँग भारतीय राजदूतकाे शिष्टाचार भेट, द्विपक्षीय सहकार्यबारे छलफल

काठमाडौं, चैत २३ । नेपालका लागि भारतीय राजदूत नवीन श्रीवास्तवले आज सोमबार परराष्ट्रमन्त्री शिशिर खनालसँग शिष्टाचार भेट गरेका छन्। मन्त्रालयमै भएको उक्त भेटमा दुई देशबीचको सम्बन्ध र सहकार्यका विभिन्न विषयमा छलफल भएको जनाइएको छ।
भेटका क्रममा राजदूत श्रीवास्तवाले भारतका विदेशमन्त्री एस जयशंकरको तर्फबाट मन्त्री खनाललाई परराष्ट्रमन्त्री नियुक्त भएकोमा बधाई तथा शुभकामना व्यक्त गरेका थिए।
उक्त अवसरमा नेपाल–भारत सम्बन्धलाई थप सुदृढ बनाउने, पारस्परिक हितका क्षेत्रमा सहकार्य विस्तार गर्ने लगायत विषयमा दुवै पक्षबीच विचार आदानप्रदान भएको बताइएको छ।