प्रधानमन्त्री प्रतिनिधि सभाकाे बैठक चलिरहँदा आएर गइहाले

काठमाडौं, असार ३० । प्रधानमन्त्री बालेन्द्र शाह र राष्ट्रिय स्वतन्त्र पार्टीका सभापति प्रतिनिधि सभाकाे बैठक चलिरहँदा प्रवेश गरेपछि सांसद एन महरले आपत्ति जनाएका छन् । संसद चलिरहेको बेला, सभामुखले आसन ग्रहण गरेपछि तथा संसदमा कुनै सांसदले बाेलिरहँदा कसैले प्रवेश गर्नु संसदीय नियम विपरीत हुने बताउँदै सांसद महरले नियमापत्ती जनाएका थिए ।
प्रधानमन्त्री बालेन्द्र शाह र राष्ट्रिय स्वतन्त्र पार्टीका सभापति संसदमा प्रवेश गर्दा सांसद खुश्बु ओलिले कीर्तिपुरस्थित वर्न अस्पताललाई विस्तृतिकरण गरि जलन उपचार तालिम केन्द्रकाे रूपमा पनि विकास गरिनु पर्ने बताएकी थिइन् । जलनकाे उपचारमा एक मिनेटकाे ढिलाई पनि महत्त्वपूर्ण हुने बताउँदै देशभरका स्वास्थ्य केन्द्र तथा अस्पतालमा जलन उपचारको लागि दक्ष जनशक्ति उत्पादन र स्रोत साधन वृद्धि गर्नु पर्ने बताएकी थिइन् ।
प्रधानमन्त्री बालेन्द्र शाह संसदमा आएर पनि प्रतिनिधि सभा बैठकमा केही मिनेटमात्रै बसेर बाहिरिएपछि सांसद एशुदाकुमारी बरालले गुनासो गरिन्- प्रधानमन्त्रीज्यू भोलिदेखि हामीले ढ्यापढ्यापे समय प्रयोग गर्नुपर्दैन कि ? उहाँले हाम्रो जवाफ दिनुहुन्छ कि भन्दा २ मिनेट पनि कुरै नसुनी बाहिरिनुभयो, यो कुरा दुःखद हो ।