स्वास्थ्यमन्त्री नीशा मेहतासँग विश्व स्वास्थ्य सङ्गठनको भेट : सार्वजनिक स्वास्थ्य सुधारका विषयमा छलफल

काठमाडौं, चैत २४ । स्वास्थ्य तथा जनसङ्ख्या मन्त्री माननीय नीशा मेहतासँग नेपालस्थित विश्व स्वास्थ्य सङ्गठन (डब्लुएचओ) का प्रतिनिधिहरूसँग शिष्टाचार तथा रचनात्मक भेटवार्ता भएको छ। 

स्वास्थ्य सहयोगको दीर्घकालीन साझेदारी रहेको नेपाल एक प्रतिबद्ध सदस्य राष्ट्र भएको सन्दर्भमा, सो भेटमा प्रमुख स्वास्थ्य पहलहरूको प्रगति, प्राविधिक सहकार्यलाई थप सुदृढ गर्ने विषय तथा सार्वजनिक स्वास्थ्य सेवा (युनिभर्सल हेल्थ कभरेज) लाई अगाडि बढाउने प्रतिबद्धताबारे छलफल केन्द्रित रहेको थियो।

भेटमा सबै नागरिकको आवश्यकता पूरा गर्न र सुरक्षित, स्वस्थ भविष्यमा योगदान पुर्याउन सक्षम तथा द्रुत प्रतिकार्य क्षमतायुक्त स्वास्थ्य प्रणाली निर्माणको महत्त्व पनि उठाइएको थियो।

स्वास्थ्य मन्त्रालयले राष्ट्रिय स्वास्थ्य प्राथमिकताहरूलाई विश्वव्यापी मापदण्ड तथा साझा सार्वजनिक स्वास्थ्य लक्ष्यहरूसँग मिलाउन डब्लुएचओसँगको सहकार्यलाई थप गहन बनाउने प्रतिवद्धता गरेको जनाएको छ।