बसन्त राज अधिकारीया अध्यक्षताय् डिपिनेट

काठमाडौं, माघ ७ । विपद् तयारी संजाल नेपालया भिन्हयक्वःगु वार्षिक साधारण सभां बसन्तराज अधिकारीया अध्यक्षताय् न्हूगु कार्यसमिति ल्यःगु दु । साधारणसभा लिपा च्वंगु प्रारम्भिक बैठकं पद निर्धारण यानाः संस्थाया क्षेत्रीय संरचनायात अझ सुदृढ यायेगु निर्णय नं याःगु दु ।

न्हू गठन जूगु कार्यसमितिया नायः पदय् सेन्टर फर डिजास्टर स्टडिजस आवद्ध बसन्तराज अधिकारीयात ल्यःगु खः । महासचिवय् सुरज गौतम, ल्यू महासचिवय् हर्षमान महर्जन व कोषाध्यक्षय् अमिका राजथलायात ल्यःगु दु । अथे हे उपाध्यक्षय् केशवदत्त भट्टयात ल्यःगु दु ।

कार्यसमितिया दुजलय् कल्पना रावल बोगटी, ईश्वरदत्त उपाध्याय, शिवराम गौतम व श्याम्बाबु कट्टेल ल्यःगु दु । नापं अन्तर्राष्ट्रिय गैरसरकारी संस्थापाखें नं निम्ह दुजः दइगु व्यवस्था यानातःगु दु ।

महाधिवेशनं डीपीएनईटीया संगठनयात बल्लाकेगु, प्रदेश समितिया भूमिका प्रभावकारी यायेगु, विपद् जोखिम न्यूनीकरण व तयारीया ज्याखँयात स्थानीय तहलय् विस्तार यायेगु निंतिं नं नीतिगत निर्णय याःगु दु । न्हूगु कार्यसमितिं सरकारी निकाय, गैरसरकारी संस्था, व सरोकारवालालिसेया सहकार्ययात अझ बल्लाकेगु व सामुदायिक तहलय् विपद् तयारी व क्षमता विकास ज्याझ्वःयात प्राथमिकता बीगु खँ धाःगु दु ।