विपद्मा भारतको सहयोगप्रति प्रधानमन्त्री शाहद्वारा धन्यवाद

काठमाडौं, असोज १३ । कार्यकाल पूरा गरी स्वदेश फर्कन लागेका नेपालका लागि भारतीय राजदूत नवीन श्रीवास्तवलाई बिदाइ गर्दै प्रधानमन्त्री वालेन्द्र शाहले हालैको बाढीपहिरोलगायत विपद्का समयमा भारतले गरेको सहयोगप्रति धन्यवाद व्यक्त गरेका छन्।
सिंहदरबारस्थित प्रधानमन्त्री तथा मन्त्रिपरिषद्को कार्यालयमा भएको बिदाइ भेटमा प्रधानमन्त्री शाहले नेपाल र भारतबीचको सम्बन्ध सधैँ सुमधुर र प्रगाढ रहँदै आएको बताए। उनले राजदूत श्रीवास्तवलाई कार्यकाल पूरा गरेकोमा बधाई दिँदै आगामी जीवनका लागि शुभकामना पनि दिए।
भेटमा प्रधानमन्त्री शाहले विपद्का समयमा भारत सरकारले पुर्‍याएको सहयोगप्रति विशेष धन्यवाद व्यक्त गरेका थिए।
राजदूत श्रीवास्तवले आफ्नो कार्यकालमा नेपाल र भारतबीच थुप्रै विकास परियोजना सम्पन्न भएको जानकारी गराउँदै नेपाल बसाइका क्रममा सहयोग गर्ने नेपाल सरकार र नेपाली जनताप्रति धन्यवाद व्यक्त गरे।
राजदूत श्रीवास्तव आफ्नो कार्यकाल पूरा गरी स्वदेश फर्कन लागेका हुन्।