प्रा.डा सुशिल बहादुर बज्राचार्यलाई त्रिविवि उपकुलपतिको जिम्मेवारी

काठमाडौं, वैशाख ३१ । त्रिभुवन विश्वविद्यालयको उपकुलपतिको जिम्मेवारी इन्जिनियरिङ अध्ययन संस्थानका डीन प्रा.डा सुशिल बहादुर बज्राचार्यलाई दिइएको छ ।
प्रधानमन्त्री एवं त्रिभुवन विश्वविद्यालयका कुलपति वालेन्द्र शाहले हिजाे वैशाख ३० गतेको निर्णायानुसार त्रिभुवन विश्वविद्यालयको रिक्त उपकुलपति पदमा दैनिक कार्य सञ्चालन गर्न इन्जिनियरिङ अध्ययन संस्थानको डीनको समेत कार्य गर्नेगरी उहाँलाई उपकुलपतिको जिम्मेवारी तोकिएको त्रिविविले जनाएको हो । उपकुलपतिको जिम्मेवारी प्राप्त डीन प्रा.डा सुशिल बहादुर बज्राचार्यले आज वैशाख ३१ गते बिहिवारका दिन कीर्तिपुर स्थित उपकुलपतिको कार्यालयमा पदवहाली गरेका छन् ।