नेपालमा २६ सामाजिक सञ्जाल बन्द गर्ने दूरसञ्चार प्राधिकरणको निर्देशन

काठमाडौं, भदाै २० । नेपाल दूरसञ्चार प्राधिकरण (एनटीए) ले २६ वटा सामाजिक सञ्जाललाई नेपालभित्र निष्क्रिय गर्न सबै इन्टरनेट सेवा प्रदायकलाई निर्देशन दिएको छ।

प्राधिकरणले सर्वोच्च अदालतको आदेश, नेपाल सरकार मन्त्रिपरिषद्को भदौ ५ गतेको निर्णय तथा सामाजिक सञ्जाल प्रयोग निर्देशिका, २०८० काे आधारमा सो निर्णय कार्यान्वयन गर्न आग्रह गरेको हो।

एनटीएले जारी गरेको सूचनामा सामाजिक सञ्जाल दर्ता नगरी सञ्चालन भइरहेका प्लेटफर्मलाई नेपालमा बन्द गर्ने व्यवस्था गरिएको र सोही अनुसार इन्टरनेट सेवा प्रदायकले तुरुन्तै कार्यान्वयन गर्नुपर्ने उल्लेख छ।

बन्द गर्न निर्देशन दिइएका सञ्जालहरूमा Facebook, Facebook Messenger, Instagram, YouTube, WhatsApp, Twitter (X), LinkedIn, Snapchat, Reddit, Discord, Pinterest, Signal, Threads, WeChat, Quora, Tumblr, Clubhouse, Mastodon, Rumble, MeWe, VK, Line, IMO, Zalo, Soul र हाम्रो पात्रो पर्छन्।

प्राधिकरणले यसबारेमा सूचित गर्दै उपभोक्तालाई वैकल्पिक विकल्प प्रयोग गर्न सकिने उल्लेख गरेको छ। यस्तै, मन्त्रालयले जारी गरेको सार्वजनिक सूचनामा सबै विदेशी वा स्वदेशी सामाजिक सञ्जालले अनिवार्य दर्ता गर्नुपर्ने भनिएको थियो। याे सरकारकाे सामाजिक सञ्जाल निष्कृय बनाउने निर्णयकाे नेपाल पत्रकार महासंघले विराेध गरेकाे छ ।

सामाजिक सञ्जाल, विशेषगरी फेसबुक हालसम्म पूर्ण रूपमा बन्द नभए पनि, ल्यापटपबाट नचलेकाे, शेयर गरिएका फाइलहरू नखुल्ने समस्याहरू देखिएका छन्। यस्तै, ह्वाट्सआय्प पनि कतैकतै नचलेकाे गुनासाे हिजाे साँझदेखि नै सुनिएका थिए ।