नाम्सी पुलमा ढुंगा खस्दा मुग्लिन–नारायणगढ सडक एकतर्फी अवरुद्ध

मुग्लिन, असोज १६। मुग्लिन–नारायणगढ सडकखण्डअन्तर्गत नाम्सी पुलमा माथिबाट ढुंगा खस्दा सडकको आवागमन एकतर्फी अवरुद्ध भएको छ।
सडक डिभिजन भरतपुरका अनुसार शुक्रबार बेलुकी ९:१५ बजेको अपडेटअनुसार नाम्सी पुल क्षेत्रमा माथिबाट निरन्तर ढुंगा झरिरहेको छ। खसेका ढुंगा हटाउन घटनास्थलमा मेसिन तथा उपकरण परिचालन गरिएको छ।
रातको समयमा उक्त सडकखण्ड हुँदै यात्रा गर्ने यात्रुलाई सावधानी अपनाएर सुरक्षित यात्रा गर्न सडक डिभिजन भरतपुरले अनुरोध गरेको छ।
तस्बिर : ईश्वर क्षेत्री, सडक सुपरभाइजर