बागमती प्रदेशमा इन्द्रबहादुर बानियाँ नयाँ मुख्यमन्त्री नियुक्त, नयाँ मन्त्रिपरिषद गठन

काठमाडौं, साउन २० । नेपाली कांग्रेस संसदीय दलका नेता इन्द्रबहादुर बानियाँ बागमती प्रदेशको छैठौं मुख्यमन्त्रीको रूपमा नियुक्त भएका छन्। नेता बानियाँ बागमती प्रदेश कांग्रेस कमिटीको सभापति हुन्। बानियाँ प्रदेश सभामा कांग्रेस पार्टीको संसदीय दलको नेता पनि हुन्। बानियाँ, कांग्रेस नेता विमलेन्द्र निधि नेपाल सरकारको गृह मन्त्री हुँदा राज्यमन्त्री भएका थिए।

मुख्यमन्त्री बानियाँको नेतृत्वमा गठित नयाँ मन्त्रीपरिषदमा नेकपा एमालेबाट मन्त्रीहरू नियुक्त भएका छन् । नियुक्त हुनेहरूमामा किरण थापा– स्वास्थ्य मन्त्री, मधुशोधन पौडेल– कृषि मन्त्री, भरत केसी– वन मन्त्री, जयराम थापा– श्रम, रोजगार तथा यातायात मन्त्री, बिन्दु श्रेष्ठ– उद्योग मन्त्री र डा. दिनेशचन्द्र देवकोटा– भौतिक पूर्वाधार मन्त्री रहेका छन् ।