नेपाल–चीन सम्बन्ध थप सुदृढ बनाउनेमा प्रधानमन्त्री शाहको जोड

काठमाडौं, साउन २५ । प्रधानमन्त्री वालेन्द्र शाह र नेपालका लागि जनवादी गणतन्त्र चीनका राजदूत झाङ माओमिङबीच शिष्टाचार भेटवार्ता भएको छ।
प्रधानमन्त्री तथा मन्त्रिपरिषद्को कार्यालय, सिंहदरबारमा आज भएको भेटवार्तामा नेपाल–चीन सम्बन्धलाई थप सुदृढ बनाउने, विभिन्न क्षेत्रमा सहयोग प्रवर्द्धन गर्ने तथा विकास साझेदारीलाई थप अभिवृद्धि गर्ने विषयमा छलफल भएको प्रधानमन्त्रीको कार्यालयले जनाएको छ।
भेटमा प्रधानमन्त्री शाहले चीनसँगको ऐतिहासिक सम्बन्धलाई अझ प्रगाढ बनाउँदै दुई देशको साझा हितका क्षेत्रमा मिलेर काम गर्नुपर्नेमा जोड दिए।
चिनियाँ राजदूत माओमिङले प्रधानमन्त्री शाहलाई शुभकामना व्यक्त गर्दै नेपाल–चीनबीचको आपसी सम्बन्ध र सहकार्यलाई थप सुदृढ बनाउने प्रतिबद्धता व्यक्त गरे।
भेटवार्तामा दुई देशबीचको पारस्परिक सहयोग, विकास साझेदारी र आपसी हितका विविध विषयमा छलफल भएको जनाइएको छ।