अमेरिकी दूतावासद्वारा नेपाल प्रहरीका सुरक्षाकर्मी सम्मानित

काठमाडौं, वैशाख ४ । नेपाल प्रहरीले आफ्नो सामाजिक सञ्जालमार्फत दिएको जानकारीअनुसार नेपालस्थित अमेरिकी दूतावास, नेपालले सुरक्षा तथा विकास साझेदारी कार्यक्रमअन्तर्गत नेपाल प्रहरीका सुरक्षाकर्मीहरूलाई सम्मान गरेको छ।
“पीएसओ तथा क्लोज प्रोटेक्सन टिम एप्रिसिएसन सेरेमोनी” नामक उक्त कार्यक्रममा दूतावासका चार्ज डी’अफेयर्स स्कट उर्बमको सहभागिता रहेको थियो। कार्यक्रममा नेपाल प्रहरी तथा सशस्त्र प्रहरी बल नेपालका उच्च पदस्थ अधिकारीहरूको पनि उपस्थिति रहेको जनाइएको छ।
कार्यक्रममार्फत विभिन्न कूटनीतिक नियोगहरूसँगको सुरक्षा तथा विकास साझेदारीलाई थप सुदृढ बनाउने उद्देश्यसहित नेपाल प्रहरीका सुरक्षाकर्मीहरूको योगदानको कदर गरिएको बताइएको छ।