घाटु नाच

⠿ drag

घाटु भन्नासाथ गुरुङ सांस्कृतिक जीवनको झल्को आइहाल्छ । हो, यो नाच गुरुङ समुदायको पहिचान नै भन्दा पनि हुन्छ । यो समुदायमा परम्परागत रुपमा प्रचलित यो नाच प्रचलित नै छ र यसको लोकप्रियता अझ बढ्दो छ । बास्तवमा यो एक प्रकारको नृत्य नाटिका हो र यसले लामो कथा कहन्छ । संगीतको धूनमा यो नाचिन्छ, संगीतमा नै नर्तक झुम्मिन्छ र करीब बेहोस नै पनि हुन्छन् । संगीतकै माध्यमबाट नर्तकलाई ब्युँझाइन्छ पनि । अचम्म लाग्छ । अचम्म लाग्ने भएरै यो प्रसिद्ध पनि छ । 

नाच्ने क्रममा नर्ककहरु बिस्तारै यस्सरी बाङ्गिन्छ कि, कम्मर टुक्रुक्क भाँचिएला जस्तो देखिन्छ । पूरै नाच बिस्तारै नाचिन्छ । गाह्रो हुँदैन र ? नाचपछि प्रश्नको जवाफमा नर्तक भन्छन्, घाटुको लयमा लठ्ठिन्छ कि, त्यस्तो केही चाल पाइँदैन । 

घाटु नाच रमाइलो र मन बहलाउनका लागि नाचिन्न । यो एक प्रकारको साधना हो र गुरुङ समुदायले यसलाई साधनाकै रुपमा हेरेको हुन्छ । त्यही भएर घाटु नाच सुरु गर्नुअघि पूजापाठ पनि गर्नुपर्ने हुन्छ । घाटु नै हो तर तीन थरीको हुन्छ, बेग्लाबेग्लै समय र सन्दर्भमा नचाइन्छ । बाह्रमासे घाटु मात्रै त्यस्तो नाच हो जुन कुनै पनि बेला देखाउन मिल्छ ।

(शब्द र फोटोः बसन्त महर्जन)